Nýja Spjallborðið > Gamla Spjallborðið > Almennt um veiði > Hreindýr sjást á Vestfjörðum!

Hreindýr sjást á Vestfjörðum!

Þetta er gamla spjallborðið. Þú getur einungis lesið og gert leit í gömlum umræðum, en ekki er hægt að breyta eða svara þeim. Við biðjumst velvirðingar á þeim óþægindum sem þetta gæti valdið. Þú getur nálgast nýja spjallborðið hér
Notandi Umræða Dagsetning
Hræfinnur Þau sögulegu tíðindi hafa gerst að hreindýr hafa sést á Vestfjörðum, nánar tiltekið á mótum Húsadals í Ófeigsfirði og Hvanndals í Steingrímsfirði. Það hefur orðið mönnum þar nyrðra mikið umhugsunarefni hvernig dýrin hafa komist þangað óséð og eru flestir á þeirri skoðun að þau hafi verið flutt þangað af mönnum sem vilja útbreiða þessa dýrategund um landið. Þar koma náttúrulega helst til greina skotveiðimenn, en eins og menn vita hefur bjöllusauður þeirra, SBH, viðrað þessa hugmynd á vefnum Strandir.is og eru skotveiðimenn almennt hlynntir hugmyndinni. Engin ástæða er þó til að ætla samtök veiðimanna eða formaður þeirra eigi nokkurn þátt í þessum dýraflutningum, heldur er líklegra að einhverjir hafi ákveðið að taka lögin í sínar hendur og hlusta ekki á málflutning þeirra sem áhyggjur hafa af útbreiðslu búfjársjúkdóma. Um það hvort hreindýr beri slíka sjúkdóma er þó ekkert vitað, heldur eru það mest getgátur af hálfu yfirdýralæknis.

Bændur í Árneshreppi eru hinsvegar ekki hlynntir þessu einkaframtaki og telja vegið að afkomu sinni og hyggjast því farga þessum dýrum án þess að spyrja kóng né prest, þó á því séu margir annmarkar. Fyrst ber að telja að bændur þar nyrðra eru flestir af léttasta skeiði og farnir að tapa heyrn og sjón, sem torveldað gæti að dýrin fyndust, en hinir yngri í þeirra hópi vögusíðir og mæðnir. Þá ber einnig að nefna að vopnabúnaður þeirra er alls ekki samkvæmt reglugerð til hreindýraveiða, á stöku bæ er til tvíhleypa eða einhleypa en mest þó pístólur sem notaðar hafa verið í heimaslátranir, sumar heimasmíðaðar. Á öllum bæjum eru þó til heyforkar og rekaviðarlurkar sem nýta mætti í návígi, ef gæfist, ásamt búrhnífum og öðru þvíumlíku. Finnist dýrin af þessum hópi manna er víst að allar reglur um aflífanir dýra verða þverbrotnar og ekki seinna vænna fyrir Áka Ármann að senda lið manna þangað norður til að ganga milli fylkinga, uns örlög dýranna hafa verið ákveðin af þar til bærum yfirvöldum. Þess má einnig geta að yfirdýralækni er fullkunnugt um þetta mál þó hann þeigi þunnu hljóði enn sem komið er.
Kveðja, Hræfinnur.
 2007-08-14 10:11:17
E.Har Hræi, er einhvað meira vitað?
Er þetta áttavilta kúinn með einn kálf sem Snorri sá í uppsveitum Borgarfjarðar eða er einhvað meira á ferðinni.

Málið er að þar sem jökkla rennur orðið neðan jarðar þá ætti að aukast far dyra í Vestur. þannig að þetta er forvitnilegt.

Hvað varðar skerta afkoma bænda þá er það soldið sérstakt ef Hreindyr á Vestfjörðum fara að leggja sér einhvað annað til munns en þau gera fyrir austan! þannig af afkoma bænda ætti frekar að skána ef einhvað er. Ekki éta þessi grei neitt frá austfyrskum sauðkindum!

Held að bændur fyrir austan sem og aðrir sé verulega sáttir við þessi kvikindi.
Því veldur margt en sennilega er það að nálgast 100 m.kr sem veiðimenn og þeirra snatar skilja eftir á Austfjörðum. ( var 70 mkr fyrir ca 6 árum skv einhverri rannsókn) þannig að sjoppueigendur og gistiþjónustur ættu að kætast. (nema á Sunnanverðum kjálkanum þar sem aðkomumenn eru óvelkomnir)

Heilt yfir verulega forvitnilæegt og endilega láttu okkur fylgjast með.
Eins Snorri eru Kusan þín enn á sínu svæði eða er hún farinn?


E.Har

 2007-08-14 11:22:52
Herminator . 2007-08-14 12:12:10
looney Hræfinnur.Er draumsýn LOONEYS að verða að veruleika ,það væri vonandi.Þessi dýr sem bróðir Hræfinnur talar um,gætu hæglega komið sér af eigin rammleik þessa fáu kílómetra fyrir norðan jökla.í Alaska og Kanada ferðast þessi dýr þúsundir KM á hverju ári.Og sennilega er ófriðurinn fyrir austan ástæða fyrir þessari útrás og leit að betri högum.Látum þessi dýr algerlega í friði annað er ekki sæmandi.


KV LOONEY SEM VONAR AÐ FRÉTTIR HRÆFINNS SÉU DAGSANNAR?
HRÆFINNUR HEFUR HINGAÐ TIL EKKI VERIÐ Í FLOKKI MEÐ GRÓU FRÁ LEYTI SVO VITAÐ SÉ. 		2007-08-14 18:05:08
Hurðarbak Já Looney og Hræfinnur...... Ég hafði orð á þessu hér um daginn, að dýr væru á flækingi útaf einhverju sem væri ekki í lagi og hjörðin væri að útskúfa veikburða einstaklinga. Nú eru fréttir af dýri með 9 kg lifur, sem bendir til berklaveiki eða þvíumlíkt. Nú ætla ég ekki að hafa vit á neinu í þessum efnum en ég þekki vel til stóðhesta og hryssna í svipuðu sambandi, er folinn rekur veikburða meri af sínu getnaðarsvæði og jafnvel drepur vanfær folold. Þar sem afgirt hólf er ekki náttúrulegt, hafa graðhestar drepið merar af því að þær komust ekki úr hólfinu á flótta.

Þarna með umræður Hræfinns og nýrra frétta er þetta að smella saman og liggur þarna grunur minn að um einhverja sótt sé að ræða..

Ég tek það fram að þetta er eingöngu mín skoðun, og einungis hugrenningar. Og vona svo sannarlega að Hræfinnur hafi rétt fyrir sér, með laumufarþegana. Og svo át nýji veiði hundurin 1/2 fermetir úr hornsófanum ásamt báðum örmunum í dag og gistum við í hlöðuni út vikuna ég og hundurinn. Reyni að hafa samband í gegnum Inmarsat neiðarrásina á sunnudag..: (

kv elli sem er að taka saman síðustu hektarana. Og finna sér bæli á milli rúlla...... 		2007-08-14 21:24:23
SSS Athyglisverð frétt Hræfinnur,en ég hygg að hér sé um Nykur að ræða. Ekki má telja að ólíklegt sé þar sem bændur vestra eru margir orðnir sjóndaprir. Eitt leynivopn eiga þeir sem grípa má til í návígi.en það eru niðurbrotshúfur þykkar sem þeir brugðu áður fyrir vit ísbjarna vestur þar og kæfðu snarlega. Enda strandamenn afburða hreystmenni og snarir í snúningum. Ekki félli þessi aðferð heldur vel að reglum yfirdýralæknis og yrði hætt við kærum.
Ekki hefur enn tekist að að leiða saman Nykur og hreindýr svo vitað sér, væri það kjörið verkefni á búvísindadeild Hvanneyringa nú á haustönninni.
 2007-08-14 22:11:15
Litli heyrst hefur að umrætt hreindýr hafi verið bóndi að stilla loftnetsgreiðu og má þakka fyrir að hafa ekki verið skotinn á færi. Í kjölfarði hefur komið til tals við fjarskiptastofnun að banna loftnetsgreiður sem minna um of á hreindýrshorn...... eða banna vestfirðingum með sauðlegt útlit að stilla slíkar greiður.

Stóribróðir passar jú alltaf sína ;o) 		2007-08-15 10:22:14
looney Heyrst hefur, að sést hafi tíl dýra á Þorskafjarðarheiði 4eða 5 ,hurfu þau út í þokuna léttfætt með sínu sérstaka skokki,sem er ekki göngulag hrossa kinda né nautgripa né annars búsmala,ferfættra eða tvífættra?Viðkomandi fann skít sem hann þefaði af,og rak fingur í reyndist hann volgur og nánast ferskur, og greindi hann sem dýraskít og tók hann vænt sýni til að fá úr skorið hver væri framleiðandi sýnisins,beðið er nú útkomunnar með mikilli eftirvæntingu,og von um að þarna fynnist sönnun fyrir dýrum á vesturleið á Vestfjörðum og jafnvel í Dalina.


KV LOONEY. 		2007-08-16 07:54:21
El gordo Sælir félagar.

Ég hef það eftir áreiðanlegum heimildum að þarna sé um móra nokkurn að ræða, sem geti tekið á sig allra kvikinda líki.
Móri þessi ku hafa verið vakin upp af haug vestra og gangi undir nafninu
olíu-móri.
Vestfirðingar hafa lengi verið þekktir fyrir að vita lengra nefi sínu og höfðu það sér til dundurs í gamla daga að vekja upp drauga og senda þá erinda á milli bæja.
Ég tel að ári þessi hafi verið vakinn upp af þeim sem ætla sér að byggja olíuhreinsistöð í einum fegursta dal á Íslandi, Hvestu í Arnarfirði. Tilgangurinn með uppvakningunni er að dreifa athyglinni frá þessum hræðilegu áformum og fá vestfirðinga til að halda að allt sé í himnalagi á Vestfjörðum, að það sé jafnvel að aukast fjölbreytnin í náttúrulífinu.

Hvernig væri nú félagar að láta svolítið í sér heyra um fyrirhugað náttúruhryðjuverk, sem þessi stöð myndi verða á Vestfjörðum. Arnarfjörðurinn einn mun ekki eyðileggjast heldur munu vestfirðir allir líða fyrir svona skrímsli. 		2007-08-16 09:34:42
Hurðarbak Já ... Á nú ættir mínar að rekja til Arnarfjarðar og á þar landtöku mikla. hef hingað til ekki ætlað mér að setja þann landauð undir skilvindufabriku í þágu rússnesku mafíunnar...

kv elli sem er ættaður frá Fremri Kvestu og rær spakur úr sinni vör ef hentar.


Ps. Bjarni Kristófersson, ömmu bróðir minn, heitinn sem tók við búi föðurs síns, Kristófers Kristóferssonars sem var bróðir Eiríks Kristóferssonar gamla landhelgisdraugs. Bjarni heitin sonur Kristófers og Matz Wiberlund, ljósmyndari til margra ára, áhváðu að halda sandsfjörunum í þágu þeirra sem vildu leggja það á sig að ferðast svo langt að varla væri bílfært. Og þarna er mjög fagurt á að líta, en frekar ljótt álitum og drungið yfir vetrar tímann.

Ég veit að allri iðju fylgir afgangur og ekki vill ég hann rekin á mína fjöru, ég segi NEI, að svo stöddu, en ef þessir mafíosar geta eftir herlegheitin selt okkur lítra eða líter af bensíni á 57 kr. er ég til í umræðu, ekki fyrr ....... 		2007-08-16 21:47:02
looney HR HURÐARBAK.Þar sem þú ert frændi Eiríks gamla Kristóferssonar þess gamalreynda öðlings sem lét ekki nokkurn eiga inni hjá sér,hann var sannkallaður sæúlfur, raungott góðmenni sem öllum reyndist vel,og fór um hafið með gætni og ákveðni, sem er aðalsmerki vandaðs sjófaranda og höfðingja.LOONEY var samskipa honum einhvern tíma,ógleimanlegt tímabil.Hurðarbak er kanski hlaðinn sömu genum og Eiríkur heitinn,það þætti LOONEY ekki slæmt.Þessi vitleysa varðandi hreinsun krutolíu er algerlega klikkun,þetta er atvinnurekstur sem hefur margar skugga hliðar,nr1 ótrúlega ljót mannvirki nr2 stórhættulegt umhverfi =sprengihætta=loftmengun Bensen Kadmium Kolefnasambönd og mörg önnur efni.Mengun vatns og sjávar,og svo öll ófyrir sjáanlegu atvikin, lekar mannleg mistök, og óhöpp á olíuskipum í hafi og við strendur landsins,þarna eru gjöfulustu fiskimið landsins fugla og sjávardýralíf sett að veði fyrir framkvæmdir sem munu menga, og í vesta falli leggja lífríkið í auðn með einu óhappi ,og mannlífið rústað í leiðinni.Hurðarbak ef þú getur beitt þínum alkunnu klækjum til bjargar þessu fallega svæði frá tortímingu,og stöðva þetta glæpsamlega athæfi óvitanna sem sjá ansi stutt að mati LOONEYS, stattu þig nú Hurðarbak sem aldrei fyrr,það stendur hulduher gamalla Vestfirðinga og elskendur óspilltrar náttúru að baki Hurðarbaki í þessu málefni,sem varðar alla Íslendinga fædda og ófædda.AMEN EFTIR EFNINU.

KV LOONEY. 		2007-08-17 08:21:25
looney Úrskurður úr skítmálinu af Þorskafjarðarheiði ,í sýninu fundust leifar af hreindýri og dágott af kamfílo og systir hennar salmónellu.Taldar vera afurðir sem erlendur ferðamaður hafi skilið eftir á þessum fallega stað, eftir að hafa ferðast um Austfirði áður, pappír fannst við sýnið sem var talin vera der Spigel með dagsetningu 15 ágúst 2007,birt án ábirgðar .

LOONEY SEM TRÚIR Á NÁTTÚRUNA OG ALLT SEM HENNI VIÐKEMUR,EF HÚN FÆR AÐ NJÓTA VAFANS. 		2007-08-19 18:51:46