Nýja Spjallborðið > Gamla Spjallborðið > Almennt um veiði > Setrinu rústað

Setrinu rústað

Þetta er gamla spjallborðið. Þú getur einungis lesið og gert leit í gömlum umræðum, en ekki er hægt að breyta eða svara þeim. Við biðjumst velvirðingar á þeim óþægindum sem þetta gæti valdið. Þú getur nálgast nýja spjallborðið hér
Notandi Umræða Dagsetning
bons Ætli það sé rétt sem rætt er um hér.

http://f4x4.is/new/forum/default.aspx?file=skalamal/12520#99205

Þ.e. að skotveiðimenn hafi rústað setrinu? 		2008-08-24 11:17:54
Hræfinnur Um það getur enginn sagt með neinni vissu, en séu ummerki eftir slíka á staðnum fer ekki hjá því að böndin berist að þeim hópi. Þau ummerki sem bendlað gætu skotveiðimenn við verknaðinn eru náttúrulega öðru fremur veiðitengd, þ.e. fiður, blóðblettir, skothylki, innyfli og annar viðlíka ófögnuður, æla, niðurgangur (vegna krónískrar blýeitrunar.), tómar bjór og áfengisumbúðir. Séu þessi ummerki til staðar, ein eða fleiri og með hliðsjón af því að gæsatímabilið er nýhafið liggur nokkuð beint við að bendla þennan hóp við málið þar sem nokkuð öruggt er að slíkir hafa verið á ferð á þessum slóðum.
Kveðja, Hræfinnur.
2008-08-24 12:06:28
skjóttu blessaðir þetta eru alltaf ljótar fréttir, vonandi sjá þeir af sér þegar rennur af þeim og komi fram og borgi tjónið! En að skjóta svona útí loftið að þarna hafi frekar verið á ferð skotveiðimenn frekar en venjulegu fullu jeppakallar tel ég vera tóm púðurskot!!!!

Gangið vel um skálanna og nátturuna, það er allra hagur .

kv Jakob sem bíður eftir rjúpunni 		2008-08-24 13:41:44
Herminator . 2008-08-24 14:26:39
Dude Þetta er alltaf eins, ef ekið er utanvega þá er það öllum jeppamönnum að kenna, og svo þegar einhver skemmir eitthvað með byssu þá er það öllum veiðimönnum að kenna.

Er jeppa og byssueigandi en hvorki þekktur fyrir utanvega akstur né skemmdarverk með byssunum mínum.

Finnst samt eins og ég sé dæmdur öðru hverju bara að því að ég fell inn í ákveðna hópa.

En mikið afskaplega eiga menn bágt ef þeir geta ekki séð hluti annarra í friði.

Kv
Dude

2008-08-24 15:55:00
hittekki sælir drengir, mér þessi umræða hér og á 4x4 ekki alveg við hæfi´. Kanski er það að ég er í báðum hópum, enn það er vissulega íað að skotveiðimenn hafi verið að verki sem er óviðeigandi. svo náttúrulega allstaðar svarti sauðurinn. Þessi umgengni er náttúrulega fyrir neðann allar hellur, og alveg ljóst að sá eða þeir sem voru að verki er ekki alveg heilir hvort sem þeir eru veiðimenn , útlendingar,jeppakallar eða ráðherrar. Og vona ég að hver sá sem veit einhvað um svona mál láti vita svo að menn þeir sem eiga í hluti verði látnir gjalda fyrir. Það er hagur allra sem eru á fjöllum að samstaða sé um góða umgengni og hegðun. Kv. Jóhann 2008-08-24 16:17:45
270/12 Já þetta er djöfullegt að fara svona með skálan.

Og leiðinlegt að spjallið á 4X4 sé svona dómhart og úthúði þjóðfélagshópa
án nokkura sannana.
Þeir ættu að taka okkur sér til fyrirmyndar, hér er alltaf allt vaðandi í umburðarlyndi og kærleika, og einginn sakaður um eitt né neitt.

Gæsa-kveðjur Jón

 2008-08-24 17:21:30
koggi Alger skömm af svona verknaði hver svo sem á í hlut vona svo innilega að skemmdarvargarnir finnist. 2008-08-24 18:26:06
VOH Ég tel að þráðurinn hjá 4x4 sé alls ekki að kenna skotveiðimönnum um þó að Ofsi, hafi hlaupið pínulítið á sig þá baðst hann afsökunar strax og meiri maður fyrir vikið!

Við skulum passa okkur á því sjálfir þ.e. skotveiðimenn að eigna okkur glæp sem við eigum ekki!

Ég þekki engann skotveiðimann né jeppamann sem myndi hegða sér svona! Skálanefnd Seturs og allir meðfélags menn mínir í 4x4 eiga samúð mína og ég deili með þeim gremjuni og vonbrigðum að það skulu vera til \\\"Drullusokkar\\\" sem geta ekki gengið um eigur annara að virðingu.

Ég skrifaði þetta á þráð 4x4 fyrr í dag:

\\\"Menn eða konur sem haga sér svona tilheyra ekki neinum tilteknum ábyrgum hópi. Fólk sem hagar sér svona fellur undir fámennan hóp sem er rétt að kalla \\\"Drullusokka\\\". Það vill enginn kannast við þennan hóp en oft er hin ömurlegi félagi \\\"Bakkus\\\" með í för.

Mér finnst líklegt að nú ef og þegar timburmenn sækja að þessum hópi af \\\"Drullusokkum\\\" þá muni skömmin herja á þá og ég get ekki sagt að ég vorkenni þeim sérstaklega þau örlög. Þeir ættu hins vegar að hugsa sinn gang biðjast afsökunar og taka afleiðingum gjörða sinna. Til þess að þeir komist út úr þessum ömurlega félagsskap \\\"Drullusokkunum\\\" ættu þeir að íhuga áfengismeðferð! \\\"

kv,

Viðar Örn, (Jeppamaður, skotveiðimaður, golfari, námsmaður og fl. .fl.)
 2008-08-24 21:24:50
fieldhunter málið er einfalt og ódyrt, koma fyrir trail cameru eins og td þessa http://www.cabelas.com/cabelas/en/templates/product/standard-item.jsp?id=0057452418461a&navCount=3&podId=0057452&parentId=cat20098&masterpathid=&navAction=jump&cmCat=MainCatcat20712-cat20098&catalogCode=QX&rid=&parentType=index&indexId=cat20098&hasJS=true

á góðum stað, þad þarf ekkert endilega að hafa beina utsendingu, bara nog að na myndum af bilum bilnumerum og svo ef numerin sæjust ekki a bilunum yrði þetta sett i blöðin og einhver gæti þekkt bilana. þetta er odyrt og einfalt og ætti að virka og vera fráhrindandi. 		2008-08-25 00:02:09
jeppar Svona eru þeir alltaf á f4x4.is kenna öðrum um alltaf allir saklausir sem eiga breyttan jeppa. Svo verður allt stjörnuvitlaust á vefnum hjá þeim ef það kemur grein á öðrum miðli um að jeppamaður hafi verið að brjóta afsér. (allir brjálaðir um að jeppamönum sé kennt um)

ps

þetta er eina af mörgum ástæðum að maður hætti að borga í þetta félag.

En þrátt fyrir það er þetta mjög leiðinlegt hvernig farið var með setrið flottasta skála landsins. 		2008-08-26 08:56:04
bons Miðað við þær deilur og illindi sem virðast vera á milli 4x4 klúbbmeðlima, þá sér maður ekki betur en að langlíklegast sé að þarna hafi verið að verki einhverjir 4x4 klúbbmeðlimir. 2008-08-26 09:57:14
JRKR Hvað meinar Gísli G með þessu

http://www.f4x4.is/new/forum/default.aspx?file=skalamal/12520#99312 		2008-08-26 15:06:47
Jón Garðar Daginn

Alveg er þetta magnaður andskoti.

Nafna mínum Ofsa varð á, í ofsareiðiskasti, að minna á að gæsaskyttur væru komnar á hálendið og ýjaði þannig að því að þeir væru í hóp grunaðra. Hann játaði greiðlega brot sitt þegar ég hvæsti á hann og baðst afsökunar á þessum skrifum sínum, líklega hefði hann getað þurrkað þau út en þess í stað lét hann þau standa til þess að biðjast afsökunar á því.

Trúlega hefur enginn hlaðverji lesið þráðinn lengra því að þetta er eina kommentið þar sem einhver ákveðinn hópur er tiltekinn líklegur nema \"drullusokkar\" og persónulega finnst mér þeir líklegastir.

Á móti eru jeppamenn þvegnir uppúr drullu hér á hlad.is, rætt um fyllibyttur undir stýri og utanvegaakstur sem sjálfsagðan hlut þegar menn eru komnir á breytta jeppa og það í þessum þræði.

Kommon!!

Það eru greinilega þónokkrir sem tilheyra báðum hópum, byssumenn á jeppum. Hvurslags þrjótar hljóta það að vera.

Nei, ég skal persónulega biðja um að jeppakarlar og byssumenn taki sáttum, reyndar ásamt göngumönnum, hestamönnum, mótorhjólamönnum o.s.frv. til þess að nappa svona drullusokka. Í þetta sinn var Setrið skemmt en það er ekki fyrsti fjallaskálinn sem verður fyrir skemmdum og því miður líklega ekki síðasti. Byssumenn gætu tapað sínum skála næst en til að minnka líkurnar á að það gerist þarf að nappa þessa gaura og stoppa þá. Verði þeir nappaðir er auðvelt að úthýsa þeim úr þeim félagsskap sem þeir kjósa að vera í, hvort sem það er jeppamenn, byssumenn, hjólamenn, hestamenn eða bara drullusokkar. Það gæti orðið þeim þungur dómur að finnast.

Líklega er lögreglan á Selfossi með málið á sinni könnu og hafi einhver hér upplýsingar sem gætu gagnast til að finna þrjótana væru þær sérstaklega vel þegnar.

Kv Jón Garðar. 		2008-08-26 20:59:28
JRKR Vinur Ofsa hefur talað................hvað getur 4x4 klúbburinn gert að því að félagsmenn þar eru meira og minna skíthælar 2008-08-27 12:55:49
VOH Það er eiginlega með ólíkindum hvað umræðan á þessum vef verður ómálefnaleg og ég velti því fyrir mér hvað JRKR gangi til.

Ef mamma þín hefur ekki náð að kenna þér það \\\"JRKR\\\" þá eru skrif þín og ummæli þín óþoskuð og hreinn dónaskapur, hreinlega út af kortinu. Ef markmiðið er að reyna æsa upp Jeppamenn þá eru örugglega einhverjir tilbúnir til þess að grípa þín orð og úthúða öllum skotveiðimönnum á sama hátt.

Eiginleg ótrúlegt að maður lesi þessa vitleysu og jafnvel taki þátt í umræðunni.

Nú hef ég nokkuð örugglegar heimildir fyrir því að það hafi sést ný eða nýleg hjólför eftir mótorhjól \\\"við hliðina á slóðanum rétt við Setrið\\\" á fimmtudagsmorgun 21. ágúst, ekki á slóðanum nei ... þessir tilteknu mótorhjólamenn gátu nú haldið sig innan hans. Einnig tel ég fullvíst að það var hófafar ekki langt frá. Eigum við þá að taka okkur saman og úthúða (öllum) mótorhjólaferðalöngum og öllum hestamönnum?

Nei .. ég held varla, vonandi nást þessir ólukku menn hvort sem þeir voru á jeppum, veiðum, mótorhjóli, á hestum eða fótgangandi! skömm sé þeim fyrri umgengina og skömm sé öllum sem geta ekki tekið þátt í umræðunni án þess að úthúða öðrum hópum.

Og að lokum \\\"JRKR\\\" hafðu manndóm til þess að skrifa undir nafni hafi þú knýjandi þörf til þess að úthúða öðrum fólki.

Virðingarfyllst,

Viðar Örn 		2008-08-27 13:32:58
kamar http://f4x4.is/new/photoalbum/default.aspx?file=byggingar/5336

 2008-08-27 22:36:42