skombo
Svör samtals: 26
Virk(ur) síðan: 23 July 2012
|
Jæja þá er komið að árlegri veiðimyndasamkeppni Zeldu ræktunar. Zeldu ræktun fór af stað með þessa keppni í fyrra og voru viðbrögð vægast sagt fádæma góð. Alls bárust 159 myndir í keppnina. Eina skilyrðið er að myndin sé tekin á veiðum, allar myndir sem berast verða birtar á heimasíðunni undir sér link.
Keppnin mæltist mjög vel fyrir í fyrra og fengum við hjónin mikið af jákvæðum póstum þar sem oft kom fyrir hvað það væri gaman að geta skoðað svo fjölbreyttar veiðimyndir á einum stað.
Norðmaðurinn Alexander Kristiansen var dómari keppninnar í fyrra en hann vinnur meðal annars hjá fyrirtækinu Web-hunt sem meðal annars sérhæfir sig í veiðimyndböndum, hann mun einnig dæma keppnina í ár.
Hægt er að sjá allar myndirnar sem bárust í keppnina í fyrra hérhttp://vorsteh.weebly.com/myndasamkeppni-2011.html... og gaman að lesa rökstuðning dómara af hverju hver mynd lenti í einu af þremur efstu sætum.
Vegleg verðlaun sem verða kynnt fljótlega verða í vinning fyrir efstu þrjár myndirnar en styrktaraðilar keppninnar eru meðal annars Verslunin Bendir, sérverslun fyrir allt sem hundurinn þarfnast. Verslunin Hlað sem þarf vart að kynna og Veiðihúsið Sakka sem flytur meðal annars inn margt af því veiðidóti sem við skotveiðifólk notum.
Nú er um að gera að taka þátt og senda inn myndir og ekki skemmir að rjúpnaveiðar eru að byrja svo það er um að gera að taka vélina með á veiðar, það er aldrei að vita hvenær Kodak momentið kemur.
Þátttakendur eru beðnir um að senda myndir á netfangið zelda(hjá)zelda.is og þær verða birtar fljótlega eftir að þær berast.
Skilafrestur á myndum er til og með 1. desember og úrslit verða kunngjörð á síðunni þann 10.desember.
Heimasíða Zeldu ræktunar, zelda.is er í uppfærslu en ætti að vera komin upp fljótlega undir því léni. Það er eitthvað tæknimál sem við kunnum ekki að útskýra en hefur eitthvað með tenginu á léninu að gera.
En þangað til er hægt að fara inn á síðuna hérhttp://vorsteh.weebly.com
Óskum þeim sem ætla sér á rjúpnaveiðar góðrar og ánægjulegra stunda á fjöllum.
Með veiðikveðju Kjartan&Gréta
Tags:
Skrifað þann 22 October 2012 kl 18:36
|
skombo
Svör samtals: 26
Virk(ur) síðan: 23 July 2012
|
Re: Myndasamkeppni
Sælir.
Jú helling að frétta, var að setja eftirfarandi inn á almennt spjall.
Við ákváðum að lengja frestinn á því að senda inn myndir í keppnina til 15. desember. Alexander Kristiansen dómari frá Noregi varð því miður að breyta sínum plönum þannig hann gat ekki verið klár með vinningsmyndirnar þann 15. desember eins og áætlað var.
Nú er um að gera að fara yfir allar flottu veiðimyndirnar sem þið eruð búin að taka og senda á netfangið zelda(hjá)zelda.is og þær verða birtar mjög fljótlega á síðunni.
Hægt er að sjá þær myndir sem þegar hafa borist í keppnina hér http://www.zelda.is/myndasamkeppni-2011.html... margar virkilega flottar myndir hafa borist. Þetta er fyrst og fremst gert til þess að við veiðimenn og konur getum séð veiðimyndir héðan og þaðan af allskonar veiðum.
Hægt er líka að sjá myndir sem bárust í keppnina í fyrra hér http://www.zelda.is/myndasamkeppni-2012.html... ásamt rökstuðningi dómara um vinningsmyndirnar. Einnig er mynd af vinningshöfum neðst á síðunni.
Veitt verða verðlaun fyrir 3 efstu sætin en meðal vinninga er meðal annars, tvær gæsaflautur frá Veiðihúsinu Sökku, grágæsa og heiðargæsaflauta, Gjafakort frá Versluninni Bendi, sérverslun fyrir hundinn þinn, 100 stk 42.gr hlaðskot sem við þekkjum öll, matarkarfa frá Zelduræktun sem inniheldur meðal annars risahumar, hvítvín og ýmislegt annað góðgæti til að hressa upp á bragðlaukana.
Nú er um að gera að senda mynd og hver veit.
Hér er smá kynning á dómara keppninnar en við vonumst til að úrlist verði kunngjörð ekki seinna en 20 desember.
Norðmaðurinn Alexander Kristiansen var dómari keppninnar í fyrra eins og nú, en hann vinnur meðal annars hjá fyrirtækinu Web-hunt sem meðal annars sérhæfir sig í veiðimyndböndum.
Við ákváðum til að útiloka alla hluttekningu að fá erlendan dómara til að dæma keppnina fyrir okkur og eru myndirnar númeraðar á síðunni 1 og upp úr.
Hann sendir okkur svo mail númer hvað myndirnar eru sem lenda í 1.2 og 3 sæti með rökstuðningi fyrir hverja mynd.
Kveðja
Zeldu ræktun
Skrifað þann 12 December 2012 kl 22:57
|
