Sælir hlaðverjar,

nú hef ég lagt kaup á eitt stykki Otterup riffil með M98 lás og Schultz og Larsen hlaupi í 6,5x55 og hyggst eiga talsvert við græjuna.
Það sem ég hafði hugsað mér að gera er ekki alveg ákveðið og veltur jafnvel á svörum ykkar en svo hljóða spurningarnar:

Þar sem að hlaupið er ekki upp á sitt besta hefði ég viljað bláma það og var þá jafnvel að spá í að kald bláma það.
Þegar kemur að blámun þá spyr ég hvort að mikil hætta sé á að ég skemmi einhvað ef ég geri þetta sjálfur og þá kalt og hvort að það borgi sig jafnvel að fá atvinnumann til þess að heit bláma þetta fyrir mig.
En þá er spurning hvað slíkt kostar og hverjir það eru sem að gera það.

Skeptið hafði ég hugsa að annað hvort gera upp og þá jafnvel nota putty til að móta för fyrir puttana á það og pússa svo niður viðinn fyrir þumalinn. Jafnvel að saga úr því og koma fyrir stillanlegum kinnaspúða.
Þá er það spurning hvernig reynslan er af svona wood putty hér á landi og hvar maður getur nálgast slíkt.
Eins hver meðmælin séu varðandi beddun, er það einhvað sem ég ætti að hugsa um að gera sjálfur eða borgar sig að láta atvinnumann gera það og þá er það aftur hvað slíkt kostar og hverjir það eru sem taka slíkt að sér.
Hins vegar hef ég skoðað rifle-stocks.com og boyds skeptin og lýst ágætlega á nokkra valkosti þar en spyr þá hvort mælt sé með annari síðunni frekar en hinni og hver gæðin á vörunum frá þeim séu.

Svo er það með sjónaukann, ég hef skoðað þá marga og er valið þar erfitt en eitt er víst og þða er að ég þarf að losna við hringa sigtin framan af honum og láta festa á hann basa og sjónaukafestingar.
en og aftur spyr ég þá hver það sé sem tekur slíkt að sér og hvað slíkt kosti.

Nú á ég ekki von á því að þessi svör séu í kollinum á einum manni en tek vel á móti öllum skoðunum og reynslu sögum.

Kv. Reynir!